Daş mövqeyinde Şiiri - Sevinc Arzulu

Ürək iki bölünər,
Aram-aram döyünər..
Dünya qəmli görünər
Hicrin baş mövqeyində.

De gəlir-çıxarımı,
His tutub buxarımı.
Eh, yerim yuxarımı
Ömrün yaş mövqeyində.

Dünya özü bir tilsim,
Aça bilməyir sim-sim.
Növbədə görəsən kim,
Zülmün daş mövqeyində.

Kim deyir ki ulusan,
Hələ canı sulusan.
Yaman qarınqulusan,
Durdun xaş mövqeyində.

Yaxşılar çox olaydı,
Fərəhdən tox olaydı.
Sənlə bir yox olaydı,
Xar düşmən.Kaş mövqeyin də.