Daş bilenlerim Şiiri - Sevinc Arzulu

Dünya od-atəşdən gəlibdir lərzə,
Siahlar-sursatlar söyləyir hərzə.
Yazığım çox gəlir kürreyi-ərzə,
Başında dururmu baş bilənlərim.

Ölümün gəlişi anda olmayır?,
Amansız soyuğu qanda olmayır?
Ağrısı-acısı canda olmayır?
Atılan gülləni daş bilənlərim.

Şəhidlər cənnətə çıxıb gedirlər,
Düşmənin evini yıxıb gedirlər.
Zülümün əlini sıxıb gedirlər,
Fərəhin gözünü yaş bilərlərim.

Bu qədər qan tökmək bəs.yetər vallah,
Sən özün ölçünü götür,ay Allah.
Addımı atırlar tərsə-mayallaq,
Dünyanın işini çaş bilənlərim.

Mənim qəlbimdəki açılan sirrdir,
Ən böyük arzumuz dinclikdir, hürrdür.
Hər insan parlayan incidir, dürrdür.
Dünyaya hökm edə kaş, bilənlərim.