Çiçek tek Şiiri - Sevinc Arzulu

Tapınaq ilahi qüdrətə,gülüm,
Son qoyaq hicrana,möhnətə.gülüm.
Dözməyib əbədi həsrətə,gülüm,
Dağlar da kiçilib təpələnibdir.

Xəzərin boynuna ağ mirvari tax,
Başının üstündə şimşək kimi çax.
Sahilə sevginin gücünə bir bax,
Sular qırçın-qırçın lərələnibdir.

Məhəbbət bənzəməz,gülüm,ehsana
Göz yaşı dönməsin soyuq leysana.
Sevgi qüdrət verir hər bir insana,
Odur ki çiçək tək səpələnibdir.