Boğan vaxtıdır Şiiri - Sevinc Arzulu

Səsdəsən, ündəsən, bilinməyir ki,
Bu gündə, dündəsən, bilinməyir ki.
Ağlasan, inləsən bilinməyir ki,
Külək səsimizi boğan vaxtıdır.

Əmrlər verməkdən usanıb doyma,
Naşılıq üzündən gözümü oyma.
Bazarlıq işini boynuma qoyma,
İndi kartof vaxtı, soğan vaxtıdır?

Gecələr ulduzlar vurmayır ki bərq,
Onlar da olubdur ayrılığa qərq.
Yerini dəyişib deyən Şimal-Şərq,
Günəşin cənubdan doğan vaxtıdır.