Bir tek Şiiri - Sevinc Arzulu

Gündüz qayğılarımın,
Gecə uyğularımın,
Sonsuz duyğularımın,
Bir tək hakimi sənsən.

Qəmi dəstə könlümün,
Dərdi bəstə könlümün.
Tənha, xəstə könlümün,
Bir tək həkimi sənsən.

Sayğılı çörəyimin,
Qayğılı gərəyimin,
Duyğulu ürəyimin,
Bir tək çəkimi sənsən.

Yalan olan xülyamın,
Doğru çıxan röyamın,
Mənim könül dünyamın,
Bir tək sakini sənsən.

Söz sehrdir, tilsimdir,
Açmasısa sim-simdir.
Təsdiqi munisimdir,
Bir tək lakini sənsən.