Bir olmadıq Şiiri - Sevinc Arzulu

Hey hərəkət etsən də,
Sonunadək getsən də.
Arzu, kama yetsən də,
Duyğular ilinmədi.

Qəm duyaram sözündən,
Tonqal yanmaz közündən.
O qapqara gözündən,
Kədərin silinmədi.

Hicran məni ağlatdı,
Vüsalımı aldatdı.
Kədəri kim adlatdı,
Heç zaman bilinmədi.

Səndədir izim, qaya.
Bükülməz dizin, qaya.
Məğrurdur bizim qaya,
Sinəsi dəlinmədi.

Dərd-qəmi başdan ataq,
Sevinc nuruna bataq.
Bir olmadıq.Eh, ortaq
Məxrəcə gəlinmədi.