Üzün məndən döndərin,
Başına kül əndərin.
Qəm əkibdir.göndərin,
Ayrılığı biçinə.
Dərdlə əl-ələ düşsün,
Güclü zəlzələ düşsün.
Görüm vəlvələ düşsün,
Ayrılığın içinə.
Göyərtəsi boşalıb,
Papağı da boş qalıb.
Həsrət, hicran qoşulub,
Ayrılığın köçünə.
Yüz vurub şəst gələsən,
Bir azca məst gələsən.
Görüm ki rast gələsən,
Ayrılığın heçinə.
Dünən ölüb, pah.Gəlin.
Taxtsız qalan şah.Gəlin.
Yığışın, sabah gəlin,
Ayrılığın üçünə.
Kayıt Tarihi : 25.7.2021 06:06:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!