Ax get Şiiri - Sevinc Arzulu

Yaşamdan bezməyirəm,
Həsrəti sezməyirəm.
Görürsən, dözməyirəm,
Atəşinə az yax, get.

Dünyanın təxti çönüb,
Göydə ulduzlar sönüb.
Dostum, şimşəyə dönüb,
Mavi səmada çax, get.

Aynana tül olaram,
Bağında gül olaram.
Sonunda kül olaram,
Məni mənə burax get.

Hissim vüsal tonunda,
Qızıl günəş donunda.
Ayrılığın fonunda,
Gülümsəyərək bax, get.

Məğlub olub suçuna,
Ürək dərddən uçunar.
Başdaşımın ucuna,
Iki qərənfil tax, get.
31.05.2019