Zâhidâ içsem ‘aceb mi câm bayram értesi
Érdi nevrûz ile gül eyyâmı bayram értesi
Rûzede halvâ-yı şîrîn ile olmayan şikâr
Bâde-i telh ile olur râm bayram értesi
Rûzede bir bûse lutf eyle dédüm güldi dédi
Birine biñ eyleyem ni‘âm bayram értesi
Sanuram bir deste güldür tâze şâh üzre turur
Sâkînüñ destinde şol bir câm bayram értesi
Rûzede éy mâh-ı nev vasluña irmezdi elüm
Hâzır ol kim éderem ikdâm bayram értesi
ÂHİ’yâ müşkil belâdur seg rakîbe âh kim
Ol gözi âhû olursa râm bayram értesi
Kayıt Tarihi : 11.5.2016 16:02:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!