Dil hayâlünde hayâlün dil-i bî-tâbdadur
Gâh mey şîşede geh şîşe mey-i nâbdadur
Çekilür nâzı meger ol meh-i çâr ebrûnun
Hüsninün arkası şimdi iki mihrâbdadur
Oldı ümmîdlerün hâsılı ser-gerdânluk
Sanki nahl-i emelün rîşesi girdâbdadur
Yine gafletle dil-i pür-heves olur teskîn
Tıflun âsâyişi var ise eger hˇ âbdadur
Çarhun evzâ‘-ı galat bahşını seyr it Âgâh
Bizi bir şem‘ ile yâd itse de mehtâbdadur
Kayıt Tarihi : 4.5.2016 14:17:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!