Kimine neşve-i mey kimine düşnâm virür
Giderek hâtem-i la‘lün dahı çok nâm virür
Öyle mahmûr- nigâhuz ki bize çeşmi degül
Şimdi nakş-ı kademi bâde-i gülfâm virür
Dili bir va‘desi de eylemedi şîrîn-kâm
Ol nihâl-i emelüm hep semer-i hâm virür
İtse bir germ nigeh sahn-ı gülistâna o şûh
Gül gülâbun yerine revgan-ı bâdâm virür
Çarhdan dâd ü sited resmini ögren Âgâh
Ki zer-i mihri eger subh alur şâm virür
Kayıt Tarihi : 4.5.2016 14:10:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!