Her tîr-i kazâ kim saf-ı müjgânına çekdi
Ben haste-i dil-sûhtenün cânına çekdi
‘Âşık reviş ol şem‘-i şeb-efrûza hased kim
Pervânesini sîne-i sûzânına çekdi
Sen hande-feşân olalı gülzâr-ı cihânda
Gonçe serini çâk-i girîbânına çekdi
İl serv-i çemen didügi bir âhdur ol kim
‘Âşık heves-i kâmet-i cânânına çekdi
Bir nagme-güzâr çemen-i şi‘rden Âgâh
Bu hoş gazeli safha-i dîvânına çekdi
Kayıt Tarihi : 7.5.2016 15:34:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!