Âgâz-ı Gazeliyyât 322 Şiiri - Agah

Humâr-âlûdeyüm terk-i mey ü hum kanda ben kanda
Bu rüsvâlukla fikr-i ta‘n-ı merdüm kanda ben kanda
Eger ben gördügüm gerdûn u baht u tâ-be-sâmândur
Eser-kârî-i sa‘d ü nahs-ı encüm kanda ben kanda
Nihâl-i serv-i bîd-i dehrden maksad temâşâdur
Bu hissetgâhda yoksa tena‘um kanda ben kanda
Dil-efgâr oldugum ol gamze-i hûn-rîzdendür hep
Rakîbün yoksa kîninden tevehhüm kanda ben kanda
Hirâsândur felek Âgâh cûş-ı ıztırâbumdan
Telâtum hîzî-i emvâc-ı kulzüm kanda ben kanda