Âgâz-ı Gazeliyyât 31 Şiiri - Agah

Revâdur olsa dile ârzû-yı vuslat telh
Gam-ülfetem ki olur bana câm-ı ‘işret telh
Bu bezmgehde o zehr-âba-nûş-ı ‘ısyânam
Ki düşse ‘aksüm olur âb-ı bahr-ı rahmet telh
Devâ-yı derdüme sa‘y itme ey Mesîh-nefes
Meşâmm-ı cânı ider gelse bûy-ı sıhhat telh
Yeter yeter bana pend itme zâhidâ ki olur
Sana şarâb gibi bana da nasîhat telh
Metâ‘-ı cânı dirîg itme yârdan Âgâh
Hazer ki gâyet olur şerbet-i nedâmet telh