Müyesser oldı haşr olmak bu gün ol serv-kâmetle
Bî-hamd’illâh karîn oldı du‘â âhır icâbetle
O şûh ile zebândân-ı nigâh olmak ne mümkündür
Ki hergiz mahrem olmaz gûşe-i çeşmi işâretle
Hele seng-i cefâdan gam degül hâtır-şikest olmak
Dürüst itseydi bâri mûmiyâyı istimâletle
Humâr-âlûde rindân ile dün meyhâneye vardum
Elinde câm gördüm zâhidün ammâ ne hâletle
Temâşâ-yı çemenden kasdı ol sîmîn-berün Âgâh
Yüzün seyr itmedür âyîne-i dilde nezâketle
Kayıt Tarihi : 6.5.2016 13:58:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!