Bahşiş-i destüni sâkî kef-i deryâ idemez
Cünbüş-i kâmetüni nahl-ı tecellâ idemez
Sulha mûm oldugı günden dahı rûşenterdür
Neylesün şem‘ sana hüsn ile da‘vâ idemez
‘Ömri oldukça şifâ âyetin itse tekrâr
Çeşm-i bîmârına gönlünce müdâvâ idemez
‘Âşık-ı suhte pâ-bûsına cür’et mi ider
Belki dâmânunı bî-çâre temennâ idemez
Nice Âgâh murâd üzre nigâh itsün kim
Çeşm-i hurşîd seni seyr ü temâşâ idemez
Kayıt Tarihi : 4.5.2016 15:57:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!