Ağ den,ayrılıq Şiiri - Sevinc Arzulu

Bu eşqin əvvəli güclü məhəbbət,
Bu eşqin axırı nədən ayrılıq.
Bilməyir sevgidə vardır min hikmət,
Fərəhi qəm-qüssə edən ayrılıq.

Axır ki tənəli sözümdən doyub,
Hicranın riyasın üzündən soyub.
Məni bu dünyada tək-tənha qoyub,
Vüsalın özüylə gedən ayrılıq.

Nə vaxt əriyəcək aysberq buzun,
Artmayır, azalır gün-gündən duzun.
Nədən sənin ömrün uzundan uzun,
Telimə salmısan ağ dən, ayrılıq.