Torpaq altında Şiiri - Sevinc Arzulu

Şiir Yarışması
Sevinc Arzulu
3066

ŞİİR


21

TAKİPÇİ

Torpaq altında

Olmayır ki sənsiz də,
Telim bəyaz dənsiz də.
Ləpirlərim dənizdə,
Izim torpaq altında.

Gecələr gündüzlənir,
Dağ-dərələr düzlənir.
Min xəzinə gizlənir,
Bizim torpaq altında.

Çiçəklərim çayırda,
Ləçəklərin ayır da.
Biləklərim bayırda,
Dizim torpaq altında.

Dağlarda çənsizliyə,
Düzlərdə şənsizliyə.
Mən necə sənsizliyə,
Dözüm torpaq altında.

Yağışlarım səmadan,
Naxışlarım səmadan.
Baxışıarım səmada,
Gözüm torpaq altında.

Bir gün qəsdə durular.
Sözlər pəsdən vurular.
Üstündə yas qurular,
Özüm torpaq altında.

Çiçək qanqala dönər,
Ürək manqala dönər.
Tanrım, tonqala dönər,
Közüm torpaq altında.

Sevinc Arzulu
Kayıt Tarihi : 5.8.2021 06:52:00
Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!

Sevinc Arzulu