Neşâtî'nin Gazelini Tanzir Şiiri - Emin ...

Ne bırakdun dile cânâ ser ü sâmânı bile
Ne kodum ben dahı dâmânı girîbânı bile

Ne bu zâhirdeki tûfân-ı bükâ buldı hitâm
Ne söner bâtın u kalbün yine nîrânı bile

'Ukde-i rişte-i cânumdı vücûdun bî-şek
Kıldı hayfâ ki güsiste 'ademün ânı bile

Rahm idüb söyle neden tîşe-i hicrünle sanem
Hod makâmun dahı yıkdun men-i nâlânı bile

Nakş olaldan dile ol sûret-i bî-misl ü bedel
Bulamam ben dahı sensiz reh-i nisyânı bile

Âsitânunda döker Hâsir-i bî-berg ü nevâ
Eşk-i hûnîn ile çeşm-i güher-efşânı bile

fe'ilâtün/fe'ilâtün/fe'ilâtün/fe'ilün