Ahmedi

Ala gözüñ niçe kim âla başlar
Ayahlara düşer yoluñda başlar

Düşeli cânuma hicrânuñ odı
Bu kanlu yüregümde çıhdı başlar

Başum hoşdur senüñle anuñ hakıy-çun
Ki adıyla ohınur Kur’ânda başlar

Ne Kabedür kapuñ kim işigüñde
Baş urup yüz sürerler yire başlar

Gören gül yañaguñda müşg-i hâli
Didi Rumı ne hoş dutmış Habeşler

Gözüñüñ kasdı cândur u dil ü dîn
Ne işlerdür bu kim bu câœû işler

Saña yaşlar ki bini şem bigi
Eridür gözden ahan kanlu yaşlar

Ne taşlarsın beni sen dahı yiter
Senüñ-çün baña halk atdugı taşlar

Geçer cânına peykân Ahmedînüñ
Ala gözüñ niçe kim ala başlar


Kayıt Tarihi : 20.9.2016 15:18:00
Yorumunuz 5 dakika içinde sitede görüntülenecektir.