Kena Yara Min Li Ser Her Lêva Ye

Mehmet Çobanoğlu
1542

ŞİİR


6

TAKİPÇİ

Kena Yara Min Li Ser Her Lêva Ye


Hawar dil-hinavê min êş ê de ye
Kula dilê min ji evînîyê ye
Ax! Wek robaran ji min xwîn dikişe
Kena yara min, li ser her lêva ye

Birû yê berdilka min wek kevan’a ye
Xemze yê yarê min ser her dima ye
Li heft sale ez hêvîya yarê me
Yar jî şevan- rojan hişê min de ye

Berdilka min kezeba min hilneke
Derd û ezeban ser min de rêjnejke
Di dilê min de agir û şewat e
Ez derdkêşim birîna min veneke

Ez hewas dikim destê xwe bidim te
Di dinyê de qet tune hevala te
Xal û xet, li te gul û sosinin
Dixwazim morî, mircana bidim te

Ez hildiweşim, ez pir perişanim
Eşqa min ez ber kevir, zinaranim
Evîna min qet kêfa min tune ye
Ez nexweşim nexweşeke giranim

Berdilka min, delala mi, yarê min
Ez derdkêşim, tu teselî nadi min
Perestî ya min û hêvî ya min tu yî
Destê xwe berde, li ser her destê min

Mehmet Çobanoglu
13.09.2017
Stebnol

Mehmet Çobanoğlu
Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!